रुपन्देहीमा अहिले सम्मकै ठुलो संख्यामा कोरोना संक्रमित थपिए, शुक्रबार एकै दिन थपिए २६० संक्रमित

बुटवल । रुपन्देहीमा अहिले सम्मकै ठुलो संख्यामा कोरोना संक्रमित थपिएका छन् । स्वास्थ्य कार्यालय रुपन्देहीका अनुसार शुक्रबार एकै दिन जिल्लामा २६० जना नयाँ कोरोना संक्रमित थपिएका छन् ।

स्वास्थ्य कार्यालयले राती ८ः३० बजे सार्वजानिक गरेको तथ्याँक अनुसार शुक्रबार पनि सबै भन्दा बढी बुटवल उपमहानगरमा ११४ जना नयाँ संक्रमित थपिएका छन् । शुक्रबार सिद्धार्थ नगरमा ४७ जना, देवदहमा २६ जना, तिलोत्तमामा २१ जना, सैनामैनामा १९ जना कोरोना संक्रमित थपिएका छन् । त्यसैगरि रोहिणी र कन्चनमा ७।७ जना, मायादेबीमा ५ जना, सुद्धोधन र सियारीमा ४।४ जना, ओमसतियामा ३ जना तथा सम्मरीमाई र कोटहिमाईमा १।१ जना नयाँ कोरोना संक्रमित थपिएका छन् ।

शुक्रबार थपिएसंगै रुपन्देहीमा कुल संक्रमितको संख्या ४५२८ पुगेको छ । जिल्लमा ४७ जना कोरोना संक्रमितको मृत्यु भएको छ भने १७४३ जनाले अहिले पनि होम आइसोलेसन तथा बिभिन्न आइसोलेसन र अस्पतालहरुमा उपचार गराईरहेका छन् ।