नेपालगन्ज । नेपालगन्ज मेडिकल कलेज कोहलपुरमा उपचाररत दाङका एक व्यक्तिको कोरोना संक्रमणका कारण मृत्यु भएको छ ।
दाङको लमही नगरपालिका वडा नं. ५ निवासी ५५ वर्षीष पुरूषको बिहीबार साँझ ४:५० मा मृत्यु भएको हो ।
स्वास्थ्यमा समस्या भएपछि गत असोज २७ गते अस्पताल भर्ना भएका ति पुरूषको सही दिन कोरोना परीक्षण गर्दा पोजेटिभ देखिएको थियो । त्यसपछि अस्पतालको कोभिड युनिटमा उपचार भैरहेको थियो ।
उपचारका लागि सबै उपाय अपनाउँदा अपनाउँदै उनको मृत्यु भएको जिल्ला कोभिड-१९ संकट व्यवस्थापन केन्द्र बाँकेले जनाएको छ ।
यससँगै बाहिरी जिल्लाबाट बाँकेमा आई उपचारकै क्रममा मृत्यु हुनेको संख्या १६ पुगेको छ ।
ति पुरूषलाई उच्च रक्तचाप र मधुमेहको समस्या रहेको थियो ।
प्रतिक्रिया