चितवन । भरतपुरस्थित चितवन मेडिकल कलेजमा अर्का एक जना संक्रमितको मृत्यु भएको छ । अस्पतालले जारी गरेको विज्ञप्ती अनुसार चितवनको राप्ती नगरपालिका वडा नं. ५ ककी ८४ वर्षीया महिलाको मृत्यु भएको हो ।
यही कात्तिक ५ गते स्वासप्रश्वास,र उच्च ज्वरोको समस्यासहित अस्पताल भर्ना भएकी ती वृद्धाको बिहीबार हिजो कोरोना पुष्टि भएको थियो ।
अस्पतालको सघन उपचार कक्षमा उपचार गर्दागर्दै आज बिहान ४ बजेर १९ मिनेटमा मृत्यु भएको अस्पतालका निर्देशक डा. दयाराम लम्सालले जनाएका छन् । ती वृद्धालाई उच्च रक्तचाप, बाथ रोग र निमोनियाको समस्या थियो ।
यसअघि चितवन मेडिकल कलेजमै भरतपुर महानगरपालिकाका ७० वर्षीय पुरुषको मृत्यु भएको थियो ।
भरतपुर महानगरपालिका वडा नं. ७ निवासी ती पुरुषलाई यही कात्तिक २ गते स्वासप्रश्वास र मृगौलाको समस्या देखिएपछि अस्पतालमा भर्ना गरिएको ती पुरुषको आज बिहान ८ बजेर ४४ मिनेटमा मृत्यु भएको हो । ती पुरुष मृगौला र उच्च रक्तचापका बिरामी थिए ।
प्रतिक्रिया