नेपालगन्ज । लुम्बिनी प्रदेशमा नयाँ कारोना संक्रमित थपिनेमा शुक्रबार पनि रुपन्देही र बाँकेको अगुवाई कायम रहेको छ । शुक्रबार रुपन्देहीमा १३७ जना नयाँ कोरोना संक्रमित थपिँदा बाँकेमा ४४ जना संक्रमित थपिएका छन् ।
दुबै जिल्लाका स्वास्थ्य कार्यालयले दिएको जानकारी अनुसार रुपन्देहीमा ४७ महिला र ९० पुरुषमा संक्रमण पुष्टि भएको छ भने बाँकेमा १५ महिला र २९ पुरुषमा कोरोना संक्रमण पुष्टि भएको छ ।
रुपन्देहीमा बुटवलमा ४३ जना, तिलोत्तमामा ३५ जना तथा सिद्धार्थनगरमा २६ जना नयाँ संक्रमति थपिएका छन् । त्यसैगरि देवदहमा १४ जना, सिद्धाधनमा ७ जना, सैनामैना र रोहिणीमा ४।४ जना, सियारीमा ३ जना र मायादेबीमा २ जनामा शुक्रबार संक्रमण पुष्टि भएको छ ।
रुपन्देहीमा शुक्रबार थपिएसँगै कुल संक्रमितको संख्या ५५६७ पुगेको छ । जिल्लामा ६१ जना कोरोना संक्रमितले ज्यान गुमाएका छन् ।
यता बाँकेमा भेरी अस्पताल ल्यावबाट २४ जना नेपालगन्ज मेडिकल कलेज ल्यावबाट १९ जना र बागेश्वरी ल्यावबाट १ जनामा कोरोना संक्रमण पुष्टि भएको छ । बाँकेमा शुक्रबार सम्ममा २९४५ जनामा कोरोना संक्रमण पुष्टि भएको छ भने २९ जना कोरोना संक्रमितको मृत्यु भएको छ । बाँकेमा अन्य जिल्लाबाट उपचारका लागि आएका थप १६ जना संक्रमितको पनि ज्यान गईसकेको छ ।
प्रतिक्रिया