जो बाइडेनले बल्ल पाए चीनबाट बधाई

अमेरिकाको मुख्य प्रतिपर्धी मुलुक चीनले नवनिर्वाचति राष्ट्रपति जो बाइडेनलाई बल्ल बधाई दिएको छ ।

राष्ट्रपतिमा निर्वाचित बाइडेनले एरिजोना राज्यमा समेत विजय हासिल गरेपछि चीनले उनलाई बधाई दिएको हो । चीनले बाइडेनलाई उपयुक्त समयमा बधाई दिएको छ ।

यसअघि विश्वका अमेरिकी धुरीका शक्तिराष्ट्रहरु बेलायत, जापान, क्यानडा, दक्षिण कोरिया, फ्रान्स, जर्मनी, इजरायल लगायतका मुलुकले बाइडेनलाई बधाई दिइसकेका छन् । अमेरिकाको अर्को प्रतिपर्धी देश रुसले पनि बाइडेनलाई अझै बधाइ दिएको छैन ।

शुक्रबार आयोजित नियमित पत्रकार सम्मेलनमा चिनियाँ विदेश मन्त्रालयका प्रवक्ता वाङ वेनबिनले राष्ट्रपतिमा निर्वाचित जो बाइडेन र उपराष्ट्रपतिमा निर्वाचित कमला ह्यारिसलाई बधाई दिएका हुन् । पत्रकार सम्मेलनमा उनले भनेका छन्, ‘हामी अमेरिकी नागरिकको छनोटलाई सम्मान गर्छौं । बाइडेन र ह्यारिसलाई बधाई दिन चाहन्छौं । चुनावी परिणाम अमेरिकी कानुन र प्रक्रियाअनुसार पुष्टि हुनेछ भन्ने अपेक्षा राख्दछौं ।’

चीनले बधाइ दिन ढिलो गरेको विषयमा अन्तराष्ट्रिय रुपमै चासो बढेको थियो । विश्वकै दोस्रो ठूलो अर्थतन्त्र भएको देश चीनसँग वर्तमान राष्ट्रपति डोनाल्ड ट्रम्प प्रशासनको कटुतापूर्ण सम्बन्ध रहँदै आएको छ । सन् २०१८ यता चीनसँग अमेरिकाले व्यापार युद्ध चलाउँदै आएको छ भने चिनियाँ प्रविधि र विज्ञानको विकास रोक्नका लागि अमेरिकाले विश्वका अन्य देशलाई समेत दबाब दिँदै आएको छ ।
बाइडेनको कार्यकालमा अमेरिकाको सम्बन्धमा प्रतिस्पर्धा नघट्ने भएपनि ट्रम्पको जस्तै हावादारी र अनुदार व्यवहार नहुने अनुदार नहुने विश्लेषण भैरहेको छ ।