नेपालगन्ज । नेपालगन्जको बिपी चोकस्थित कपासको गोदाममा यसवर्ष पनि भीषण आगलागी भएको छ ।
बिपि चोकस्थित मोहम्मद हुसेनद्वारा संचालित न्यु स्टार सिरक सप्लायर्सको कपास गोदाममा आगलागी भएको हो ।
राति ८ बजेदेखि लागेको आगो नियन्त्रण गर्न नेपालगन्ज उपमहानगरपालिका र नेपालगन्ज विमानस्थलको गरी दुईवटा दमकल घटनास्थल पुगेका छन् ।
आगलागी नियन्त्रणका लागि नेपाल प्रहरी, शसस्त्र प्रहरी र नेपाली सेना समेत परिचालन गरिएको छ ।
आगलागी नियन्त्रणमा सघाउन बाँकेका प्रमुख जिल्ला अधिकारी रामबहादुर कुरुम्बाङ, बाँके प्रहरी प्रमुख प्रहरी उपरीक्षक ओमबहादुर राना, नेपाली सेनाका कर्नेल नकुल थापा घटनास्थल उपस्थित भएका छन् ।
बिपी चौकका कपास गोदाममा हरेक वर्ष आगलागी हुने गरेपनि प्रशासनले बिद्युत सर्टको प्रतिबेदन दिँदै आएको छ । घनावस्ती भएको क्षेत्रमा कपासको गोदाम राख्ने र हरेक वर्ष आगलागी हुने गरेपछि स्थानीबासी त्रसीत बनेका छन् ।
आगलागीको मुख्य कारण पत्ता लगाई घटना दोहोरीन नदिन प्रशासनले कदम चाल्न स्थानीयले माग गरेका छन् ।
प्रतिक्रिया