रुकुम पश्चिम । रुकुम पश्चिममा जन्ती सवार जिप दुर्घटना हुँदा ४ जनाको मृत्यु भएको छ भने एक जना घाइते छन ।
प्रहरीका अनुसार जिल्लाको आठबीसकोट नगरपालिका-७ को पोखरामा रा. १ ज. ५८९ नम्बरको जिप गएराति साढे ८ बजे दुर्घटना भएको हो ।
आठबीसकोट-२०, घारीखोलाबाट जन्ती लिएर आठबीसकोट-८ दाँजे तर्फ जाँदै गरेको जिप दुर्घटना हुँदा घटनास्थलमै ४ जनाको मृत्यु भएको प्रहरीले जनाएको छ ।
प्रहरीका अनुसार दुर्घटनामा आठबीसकोट-८ का ५१ वर्षीय गोरे नेपाली, ६६ वर्षीय सार्के नेपाली, ४८ वर्षीय आइते चदारा र सोही नगरपालिका-७ का ५१ वर्षीय कलिभान नेपालीको मृत्यु भएको हो ।
दुर्घटनामा ६० वर्षीय लालबहादुर नेपाली गम्भीर घाइते भएका छन ।
प्रतिक्रिया