नेपालगन्ज । भेरी अस्पतालमा उपचाररत कोहलपुरका एकजना कोरोना संक्रमित पुरुषको मृत्यु भएको छ । मंसिर ६ गतेबाट अस्पतालमा उपचाररत ७४ वर्षीय पुरुषको मध्यराती २ बजे मृत्यु भएको कोभिड संकट ब्यवस्थापन (सीसीएमसी) बाँकेका कोरोना फोकलपर्शन नरेश श्रेष्ठले जानकारी दिए ।
गत मंसिर ६ गते कोरोना संक्रमण पुष्टि भएपछि अस्पताल भर्ना भएका कोहलपुर २ का ती पुरुषको उपचारमा अक्सिजन, एन्टिबायोटिक, रेडमिसिवीर लगायतका बिधि अपनाउंदा पनि उनको मृत्यु भएको श्रेष्ठले बताए ।
आज भएको मृत्यु सँगै बाँकेमा मृत्यु हुनेको कोरोना संक्रमितको संख्या ३९ पुगेको छ ।
प्रतिक्रिया