दाङ । दाङको तुलसीपुरबाट नेपालगन्ज जाँदै गरेको एक बसमा गुडिरहेकै अवस्थामा आगो लागेको छ ।
अम्बिकेश्वरी यातायात प्रालीमा दर्ता भएको रा १ ख २३७४ नम्बरको बसमा बिहान ६:३० बजेतिर आगो लागेको हो ।
तुलसीपुर उपमहानगरपालिका वडा नं. १३ बखरियामा पुग्दा चालक पतिराम चौधरीले आगो लागेको देखेपछि तत्कालै बस रोकेर यात्रु झारेका थिए ।
बसमा आगो लागेपनि कुनै मानवीय क्षति नभएको चालक चौधरीले बताएका छन् । बसमा १३ जना यात्रुहरु रहेका थिए ।
ब्याट्रीको तार सर्ट भएपछि बसको अगाडि भागबाट आगो सल्किएको चौधरीले बताए । समयमै दमकललाई खबर गरेपनि समयमा नआएका कारण बस पुरै जलेको छ ।
प्रतिक्रिया