काठमाडौं । प्रधानमन्त्री केपी शर्मा ओलीले बोलाएको संवैधानिक परिषदको बैठकमा कोरम नपुगेर स्थगित भएपछि ओलीले परिषदको अर्को बैठक आजै सांझ ५ बजेका लागि डाकेका छन् । बिहान ९ बजेका लागि बोलाईएको बैठकमा सभामुख अग्नी सापकोटा अनुपस्थित भएपछि कोरम नपुगेर स्थगित भएको थियो ।
बैठक स्थगित गरेर प्रधामन्त्री ओली मन्त्रिपरिषद बैठकमा सहभागी हुन अर्को बैठक कक्षमा गएका थिए भने प्रमुख प्रतिपक्षी नेपाली कांग्रेसका सभापति शेरबहादुर देउवा सहित प्रधानन्यायाधिस चोलेन्द्र सम्सेर राणा र राष्ट्रियसभा अध्यक्ष गणेश तिमील्सिना बालुवाटारबाट बाहिरिएका थिए ।
आकस्मिकरुपमा बोलाईएको मन्त्रिपरिषदको बैठकमा संवैधानिक परिषदको बैठकको एजेण्डा तय गरिनुका साथै केहि महत्वपूर्ण निर्णयहरु हुने अनुमान गरिएको छ । पार्टी भित्र सहमती कायम नगरि बोलाईएको आज साँझ बोलाईएको बैठकमा पनि सभामुख सापकोटा उपस्थित हुने सम्भावना कम रहेको सापकोटा निकट श्रोतले उल्लेख गरेको छ ।
प्रतिक्रिया