हेटौंडा । प्रधानमन्त्री केपी शर्मा ओलीले संघीय संसदको प्रतिनिधिसभा विघटन गरेपछि त्यसको प्रभाव प्रदेश सरकारमा पनि पर्न थालेको छ ।
बागमती प्रदेशमा प्रधानमन्त्री ओली निकट मुख्यमन्त्री डोरमणि पौडेल विरुद्ध प्रचण्ड–नेपाल पक्षीय सांसदहरुले अविश्वासको प्रस्ताव दर्ता गरेका छन् ।
आज कार्यालय समय खुल्ने वित्तिकै पौडेल विरुद्ध असन्तुष्ट रहेका सांसदहरुले १ नम्वरमा अविश्वासको प्रस्ताव दर्ता गरेका हुन् । प्रचण्ड–माधव पक्षका ४५ सांसदको हस्ताक्षरसहित प्रदेशसभा सचिवालयमा अविश्वासको प्रस्ताव दर्ता गरिएको हो ।
अविश्वासको प्रस्तावको प्रस्तावकमा शालिकराम जम्मरकट्टेल र समर्थकमा अरुण नेपाल रहेका छन् । उनीहरुले पौडेललाई पदमुक्त गरेर अष्टलक्ष्मी शाक्यलाई मुख्यमन्त्री बनाउन प्रस्ताव गरेका छन् ।
यससँगै पौडेल मन्त्रिपरिषदका ३ जना मन्त्रीले राजीनामा समेत दिएका छन् । राजीनामा दिने मन्त्रीहरुमा आन्तिरिक मामिलामन्त्री शालिकराम जमरकट्टेल, सामाजिक विकासमन्त्री युवराज दुलाल र उद्योग पर्यटन तथा वन वातावरणमन्त्री अरुण नेपाल रहेका छन् ।
प्रतिक्रिया