आज दिउँसो १ बजे ओलीपक्षीय नेकपा काठमाडौंको भेला प्रज्ञा प्रतिष्ठानमा हुदै

काठमाडौं । नेपाल कम्युनिस्ट पार्टी (नेकपा) का अध्यक्ष केपी शर्मा ओलीपक्षको भेला आज काठमाडौंमा हुँदै छ ।

राजनीतिक रूपमा पार्टी विभाजन भएको अवस्थाकाबीच प्रधानमन्त्रीसमेत रहेका अध्यक्ष ओलीपक्षको भेला दिउँसो १ बजे हुन लागेको हो ।
ओलीपक्षको काठमाडौं जिल्ला कमिटीले आयोजना गरेको भेला नेपाल प्रज्ञा प्रतिष्ठान कमलादीमा हुनेछ ।

भेलालाई प्रधानमन्त्री ओलीसँगै गृहमन्त्री रामबहादुर थापा, प्रधानमन्त्री तथा मन्त्रिपरिषद् कार्यालय हेर्दै आएका मन्त्री ईश्वर पोखरेल र शिक्षामन्त्री कृष्णगोपाल श्रेष्ठले सम्बोधन गर्नेछन ।