जो प्रधानमन्त्री भए पनि हुन्छ, प्रतिगमन परास्त गरौं : माधव नेपाल

विराटनगर । प्रचण्ड–नेपाल नेतृत्वको नेपाल कम्युनिस्ट पार्टी (नेकपा)का अध्यक्ष माधवकुमार नेपालले प्रधानमन्त्रीले असुरक्षा भएको भए आफुहरु सुरक्षा दिन तयार रहेको बताएका छन् ।

प्रेस संगठन मोरङले विराटनगरमा आयोजना गरेको पत्रकार सम्मेलनमा अध्यक्ष नेपालले प्रधानमन्त्रीलाई सुरक्षा चुनौती भएको भए आफ्नो पार्टी सुरक्षा दिन तयार रहेको बताएका हुन् । सोमबार पोखरामा कार्यकर्ता भेलाललाई सम्बोधन गर्दै प्रधानमन्त्री ओलीले आफुमाथि शारीरिक आक्रमण हुनसक्ने बताएका छन् ।

अध्यक्ष नेपालले आफूहरुले प्रतिगमनबाट मुक्ति चाहिएको बताएका । देशलाई प्रतिगमनबाट मुक्त बनाउन सबै दलहरुसँग सहकार्य गर्न तयार रहेको उनले बताए । नेपालले त्यसका लागि कांग्रेस या जसपा जुन दलबाट भएपनि प्रधानमन्त्री बनाउन आफूहरु तयार रहेको जनाए ।

अध्यक्ष नेपालले प्रतिगमन विरुद्धको आन्दोलनमा रहेका दलहरुसँग आफुहरुको छलफल भैरहेको जानकारी गराए । नेपालले भने, ‘प्रतिगमनविरुद्ध लडेका दलहरुबीचको सहमतिमै नयाँ सरकार गठन हुन्छ। हामीलाई प्रधानमन्त्री चाहिँदैन भनिसकेका छौँ।’