काठमाडौं । सरकारसँग वार्ता सफल भएपछि काठमाडौं आएका नेत्र विक्रम चन्द विप्लव प्रधानमन्त्री केपी शर्मा ओलीलाई भेट गर्न वालुवाटार पुगेका छन् ।
नवलपरासीबाट काठमाडौं आएका विप्लव सामाखुशीस्थित गोंगबु आवास क्षेत्रको एक घरमा आफ्ना नेताहरुसँग छलफल गरेपछि प्रधानमन्त्रीसँग भेट गर्न बालुवाटार पुगेका हुन् ।
त्यसलगत्तै प्रधानमन्त्री ओली र विप्लव राष्ट्रिय सभागृहमा आयोजित सम्झौता हस्ताक्षर समारोहमा उपस्थित हुनेछन् । दवै नेताले सो सभालाई सम्बोधन गर्ने कार्यक्रम रहेको छ ।
सरकार र विप्लव समुहबीच बुधबार र बिहीबार भएको तीन चरणको वार्ता सम्पन्न भएपछि विप्लव सार्वजनिक भएका हुन् । दुई वर्ष अघि ओली सरकारले नै विप्लव नेकपालाई प्रतिबन्ध लगाएको थियो । वार्ता सम्पन्न भए लगत्तै सो समुहका गिरफ्तार नेता कार्यकर्तालाई सरकारले रिहा गरिरहेको छ ।
प्रतिक्रिया