काठमाडौँ । कम्युनिष्ट पार्टी नेपालका महासचिव नेत्रबिक्रम चन्द विप्लव, विघटित नेकपा (एकीकृत समाजावादी)का तत्कालिन महासचिव घनश्याम भुसाल र प्रगतिशील अभियानका अगुवा जनार्दन शर्माले वर्तमानको राष्ट्रिय निराशा र गतिरोधलाई चिर्दै प्रगतिशील तथा लोकतान्त्रिक दिशामा आम जनतालाई गोलबन्द गर्दै अगाडि बढ्नु ज्वलन्त कार्यभार बनेको निष्कर्ष निकालेका छन् ।
नेत्रविक्रम चन्द विप्लव नेतृत्वको नेकपा, प्रगतीशील अभियानका अगुवा शर्मा प्रभाकर र विघटित नेकपा (एकीकृत समाजावादी)का तत्कालिन महासचिव भुसालबीच आज भएको बैठकपछि विज्ञप्ति जारी गर्दै सो निष्कर्ष निकालेका हुन् । नेता प्रभाकार, महासचिवद्वय भुसाल र चन्दबीच भएको छलफलले नयाँ गन्तव्यमा पुग्नका लागि पुरानैबाट भन्दा नयाँ बाटोबाटै हिँड्नुपर्ने निष्कर्ष निकालेका छन् ।
विज्ञप्तिमा भनिएको छ, “मुलुकका पुराना राजनीतिक दलहरू, खासगरी तीनका नेताहरू पुरानै संरचना र तरिका जोडजाड गरेर सङ्कटलाई ढाकछोप गर्न र आफ्नो वर्चश्व बचाउन चाहन्छन् । त्यसले मुलुकलाई अझ अन्योल, अस्थिरता र सङ्कटतर्फ धकेल्ने कुरा निश्चित छ, पुरानै बाटो हिँडेर नयाँ गन्तव्यमा पुगिन्न भन्ने कुरा स्वतः स्पष्ट छ ।”
प्रतिक्रिया