काठमाडौं । जनता समाजवादी पार्टी(जसपा) का शीर्ष नेताहरू र प्रधानमन्त्री केपी शर्मा ओलीबीचको आज भएको भेटवार्ता भोलि पुनः जारी राख्ने गरि सकिएको छ ।
बालुवाटारमा सम्पन्न उच्चस्तरीय भनिएको भेटवार्ता सकारात्मक रहेको प्रधानमन्त्रीका प्रेस सल्लाहकार सूर्य थापाले जनाएको छन् । उनका अनुसार भोलि पनि कार्यदलस्तरमा अनौपचारिक छलफल हुनेछ ।
‘नेकपा(एमाले) र जनता समाजवादी पार्टी(जसपा) का शीर्ष नेताहरूको प्रधानमन्त्री केपी शर्मा ओलीसँगको उच्चस्तरीय भेटघाट बालुवाटारमा सकिएको छ । उक्त भेटघाट सकारात्मक रहेको छ ।भोलि पनि कार्यदलस्तरमा अनौपचारिक छलफल हुनेछ ।’ प्रधानमन्त्रीका प्रेस सल्लाहकारको फेसबुक वालमा थापाले पोष्ट गरेका छन् ।
प्रधानमन्त्री ओलीसँगको भेटवार्तामा नेताहरू अध्यक्षद्वय महन्थ ठाकुर, वरिष्ठ नेताहरू राजेन्द्र महतो र अशोक राई, लक्ष्मण लाल कर्ण सहभागी थिए भो नेकपा(एमाले) उपमहासचिव विष्णु पौडेल, नेता सुवास नेम्वाङ, प्रधानमन्त्रीको परराष्ट्र सल्लाहकार राज भट्टराई लगायतको उपस्थिती थियो ।
प्रतिक्रिया