काठमाडौं । राष्ट्रपति विद्यादेवी भण्डारीको आह्वानमा आज शितल निवासमा सर्वदलीय बैठक बस्दैछ । सत्ता समीकरणका बिषयमा दलहरुबीच तीव्र ध्रुविकरण चलिरहेका बेला राष्ट्रपति भण्डारीले सर्वदलीय बैठकको आयोजना गरेकी हुन् ।
आज राष्ट्रपति भवन शितल निवासमा बोलाईएको सर्वदलीय बैठकमा संसदमा प्रतिनिधित्व गर्ने राजनीतिक दलका अध्यक्ष तथा पूर्व प्रधानमन्त्रीहरुलाई बोलाइएको छ ।
आज दिउँसो ४ बजेका लागि बोलाइएको बैठकको सुचनामा कुनै एजेण्डा उल्लेख नगरिएको बताईएको छ । एजेण्डा बिना बोलाईएको बैठक सम्बभवत दल र प्रधानमन्त्री केपी ओलीका बीच बढ्दै गएको तिक्तता कम गर्नका लागि हुन सक्ने अनुमान गरिएको छ ।
यसअघि पनि प्रधानमन्त्रीको अनुकुल हुने गरी पार्टीभित्र एकता कायम गराउन राष्ट्रपति सक्रिय हुने गरेको भन्दै आलोचना हुने गरेको थियो ।
राष्ट्रपति भण्डारीमाथि संसद विघटनमा प्रधानमन्त्री केपी शर्मा ओलीको कदममा परामर्श नलिई भएको स्विकृतीलाई लिएर उनको भूमिकालाई लिएर सर्वत्र टिप्पणी भएको थियो ।
आलोचकहरुले देशका गम्भीर सवालहरुमा भन्दा ओली नेतृत्वको सरकार टिकाउन राष्ट्रपतिले भूमिका खेल्ने गरेका भन्दै आलोचना गर्ने गरेका छन् ।
प्रतिक्रिया