बुटवल । हाटबजार व्यवसायी संघ जिल्ला शाखा, रुपन्देहीले मंगलबार रक्तदान कार्यक्रम सम्पन्न गरेको छ ।
संघको १५ औं वार्षिक साधारणसभाको अवसर पारेर २६ औं नियमित रक्तदान कार्यक्रम सम्पन्न गरेको हो ।
कार्यक्रममा ५० जनाले रक्तदान गरेको संघका अध्यक्ष टेक बहादुर जिसीले जानकारी दिए । जिसीले रगतको अभावले कुनै पनि विरामीले ज्यान गुमाउने अवस्था आउन नदिन व्यवसायीहरूले नियमित रूपष्मा रक्तदान गर्दै आएको बताए । संघले समय-समयमा विभिन्न सामाजिक कार्यहरू गर्दै आइरहेको छ ।
सानो पूँजी लगानी गरी हाटबजार व्यवसायीहरू स्वरोजगार बनेका छन् । कार्यक्रममा संघका उपाध्यक्षद्धय कृष्ण प्रसाद पौडेल, शोभा पोखरेल, महासचिव हुमाराम पोखरेल, कार्यक्रम संयोजक भीष्म अर्याल लगायतले बोलेका थिए ।
संघको साधारणसभा यहीँ चैत २४ गते हुँदैछ । रुपन्देहीका विभिन्न ठाउँमा लाग्ने हाट बजारमा व्यवसायीहरूले सानो लगानी गरी स्वरोजगार भएका छन ।
हाटबजारमा व्यवसायीहरुले स्थानीय सरकारले हाटबजारको पूर्वाधार विकासमा ध्यान दिनुपर्ने बताउँदै आएका छन् । कार्यक्रममा पूर्व उपाध्यक्ष छविलाल चापागाई, पूर्व माहासचिव नेत्र पोखरेल, लगायत संघका पदाधिकारी र सदस्यहरुको उल्लेख्य सहभागिता रहेको थियो । कार्यक्रमको आर्थिक सहयोग तुलसी काफ्ले कोपिला सापकोटा र पूर्णबहादुर क्षेत्रीले गरेका थिए ।
प्रतिक्रिया