नेपालगन्ज । बाँकेमा एकै दिन ४४ जना कारोना संक्रमित थपिएका छन् । शनिबार बाँकेका बिभिन्न पीसीआर परक्षिण ल्यावहरुबाट आएको रिपोर्टमा बाँकेमा ४४ जनामा कारोना संक्रमण पुष्टि भएको छ । कोरोना संक्रमणकै कारण बाँकेमा आज एक जनाको ज्यान समेत गएको छ । भेरी अस्पताल नेपालगन्जमा उपचाररत दैलेखको दुल्लु नगरपालिका ७ की ७३ वर्षिय महिलाको उपचारका क्रममा मृत्यु भएको हो ।
बाँकेका बिभिन्न आइसोलेसनहरुमा ८० जना संक्रमितहरु उपचाररत रहेका छन् जसमध्य २५ जनालाई गम्भिर प्रकृतिको संक्रमण रहेको डीसीसीएमसीका कोरोना फोकल पर्शन तेज वलीले बताएका छन् ।
३ हजार ५३२ जनाको नमुना परीक्षण गर्दा ३३७ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमितको कुल संख्या २ लाख ७९ हजार ७२५ पुगेको छ । जसमध्ये गत २४ घण्टामा १५१ सहित २ लाख ७३ हजार ८८६ जना निको भएका छन् । यस्तै आज बाँकेमा ज्या गुमाएकी महिलासहित कोरोना संक्रमणबाट हालसम्म ३ हजार ३९ जनाको मृत्यु भएको छ ।
प्रतिक्रिया