बुटवल । रुपन्देहीको एक पेट्रोल पम्पमा आगलागी हुँदा लाखौंको क्षेती भएको छ । आज साँझ गैडहवा गाउपालिका वडा नं ७ गुलरियामा चोकमा रहेको पेट्रोल पम्पमा आगलागी भएको हो ।
नेपाल आयल निगमबाट डिजल लिएर आएको ट्यांकरबाट डिजेल खन्याउने क्रममा आगलागी भएको बताईएको छ । आगलागी भएलगत्तै आगो निभाउने क्रममा पन्प संचालक हेमन्त चौत्ररी घाईते भएको र उनलाई तत्काल उपचारका लागि बुटवल पठाईएको जिल्ला प्रहरी कार्यालय रुपन्देहीका प्रवक्ता नायव प्रहरी उपरिक्षक सत्यनारायण थापाले बताए ।
आगलागी बाट पम्पमा स्टक रहेको सबै पेट्रोलियम पदार्थ जलेर नष्ट भएको छ भने तेल बोकेर आएको ट्यांकर समेत जलेर नस्ट भएको प्रहरीले जनाएको छ । दुईवटा बारुणयन्त्रले आगो नियन्त्रणमा आएको डीएसपी थापाले बताए । आगलागीको कारण भने पत्ता लागेको छैन ।
प्रतिक्रिया