नेपालगन्ज । बाँके स्थित भेरी अस्पतालको पीसीआर परीक्षण ल्यावले पछिल्लो हप्ता एकपछि अर्को ब्रेक गर्दै गएको छ । बुधबार मात्र एकै दिन १२३ जनामा कोरोना संक्रमण पुष्टि भएको भेरी अस्पतालको पीसीआर ल्यावमा शुक्रबार फेरि १२७ जनामा कोरोना संक्रमण पुष्टि भएको छ ।
अस्पतालमा पछिल्लो २४ घण्टामा प्राप्त रिपोर्ट अनुसार १८३ वटा नमुना परिक्षण गरिएकोमा १२७ जनामा संक्रमण भेटिएको अस्पतालले जनाएको छ । १२७ जना मध्य बाँके ठेगाना लेखाएका मात्र ९९ जना छन् भने अन्य संक्रमितहरु पनि ठेगाना बाहिरी जिल्ला भएर बाँकेमा बसोबास गर्दै आएका हुन् । उता आज १२ बजे सम्ममा भारतबाट नेपाल फर्केका १५ जना नेपालीहरुमा पनि कोरोना संक्रमण पुष्टि र्भको छ । उनीहरुको नेपाल भारत सिमाको जमुनाहामा एन्टिजिन परिक्षण गर्दा कोरोना पुष्टि भएको थियो ।
शुक्रवार भेरी अस्पतालबाट जारी गरिएको सूचना अनुसार संक्रमित हररूको विवरण एकै दिनमा हालसम्म कै धेरै संख्यामा संक्रमित पहिचान भएको हो ।
आजको रिपोर्टले बाँकेमा कोरोना संक्रमण समुदायस्तरमा व्यापक रुपमा फैलिसकेको संकेत गरेको छ ।
प्रतिक्रिया