काठमाडौं । प्रधानमन्त्री केपी शर्मा ओलीले बोलाएको सर्वदलीय बैठकबारे माओवादी केन्द्रलाई थाहा नभएको सो पार्टीको नेताहरुले जनाएका छन् ।
नबोलाइएको बैठकमा जाने प्रश्नै नआउने उनीहरुले जनाएका छन् । प्रधानमन्त्री केपी शर्मा ओलीले आज बिहान ११ बजे बालुवाटारमा सर्वदलीय बैठक बोलाएका छन् ।
माओवादी केन्द्रका अध्यक्ष पुष्पकमल दाहाल प्रचण्डलाई शुक्रबार प्रधानमन्त्री ओलीले फोन गरेर भेट्न प्रस्ताव गरे पनि सर्वदलीय बैठकबारे जानकारी नगराएको नेताहरुले बताएका छन् । प्रचण्डलाई ओलीले शेरबहादुर देउवासहित छलफल गरौं भन्ने प्रस्ताव राखे पनि सर्वदलीय बैठकबारे भने कुनै जानकारी नआएको उनको सचिवालयले जनाएको छ ।
माओवादी केन्द्रका नेता नारायणकाजी श्रेष्ठले आफुहरुलाई कुनै खबर नगरिएका कारण बैठकमा जाने भन्ने विषय नरहने बताएका छन् ।
प्रधानमन्त्री कार्यालयले भने प्रचण्डलाई बैठकबारे जानकारी गराइएको दाबी गरेको छ ।
प्रतिक्रिया