काठमाडौं । कोभिड १९ व्यवस्थापन केन्द्र सीसीएमसीले वैशाख मसान्तसम्म शहरी क्षेत्रका विद्यालयहरु बन्द गर्न सिफारिस गरेको छ ।
सीसीएमसीको शनिबार बसेको बैठकले विद्यालयहरु बन्द गर्न सिफारिस गरेको हो । बैठकले शहरी क्षेत्रबाहेक अन्य स्थानको हकमा भने प्रदेश र स्थानीय तहको निर्णय अनुसार हुने निर्णय गरेको छ ।
सीसीएमसी बैठकले गरेको सिफारिस मन्त्रिपरिषद्ले स्वीकृत गरेपछि लागु हुनेछ ।
कोरोना भाइरसको दोस्रो लहर तिब्र बनेपछि जनस्वास्थ्य विज्ञहरुले कम्तिमा तीन साता विद्यालय बन्द गर्न सरकारलाई आग्रह गरिरहेका छन् । स्वास्थ्य तथा जनसंख्या मन्त्रालयले समेत विद्यालय बन्द गर्न सुझाव दिए पनि शिक्षा मन्त्रालयले भने कुनै निर्णय गरेको छैन ।
सीसीएमसी बैठकले कोरनासम्बन्धी नयाँ मापदण्ड समेत जारी गर्नेभएको छ ।
प्रतिक्रिया