बाँकेमा थपिए २५६ नयाँ कारोना संक्रमित, भेरीमा ३७५ जनाको स्वाव परीक्षण गर्दा २१९ मा कोरोना

नेपालगन्ज । बाँकेमा कोरोनाको ग्राफ उकालो लाग्ने क्रमले हरेक दिन निरन्तरता पाएको छ । पछिल्लो २४ घण्टामा मात्र बाँकेको भेरी अस्पतालको पीसीआर ल्यावमा २१९ जना र बागेश्वरी डाइग्नोशिस केन्द्रमा ३७ जनामा कोरोना संक्रमण पुष्टि भएको रिपोर्ट आएको छ । दोस्रो लहरको महामारीमा आज पुष्टि भएको संक्रमितको संख्या अहिले सम्मकै उच्च हो ।

पछिल्लो १ हप्ता देखि बाँकेमा ३ अंकको संख्यामा संक्रमित थपिने क्रम जारी रहेको छ । पछिल्लो २४ घण्टामा ३७५ जनाको स्वाव परीक्षण गर्दा २१९ जनामा कोरोना संक्रमण पुष्टि भएको भेरी अस्पतालले जनाएको छ । उता बागेश्वरी डाईग्नोशिस केन्द्रमा गरिएको स्वाव परीक्षण्मा ३७ जनामा कोरोना संक्रमण देखिएको छ ।

नयाँवर्ष लागे संगै कोरोना संक्रमणका कारण मृत्यु हुनेको संख्यामा पनि बृद्दी भएको छ । शनिबार ३ घण्टाकाबीच ३ जनाले ज्यान गुमाएको बाँकेमा आईतबार २ जना र सोमबार २० वर्षिया स्टाफनर्शले कोरोनाकै कारण ज्यान गुमाएकी छिन् ।