एकाबिहानै थपियो बाँकेमा कोरोना संक्रमितको मृत्युको संख्या

नेपालगन्ज । बाँकेमा कोरोना संक्रमितको मृत्युको संख्या थपिएको छ । सोमबार दिउँसो मृत्यु भएका एकजनामा सोमबार राती अवेर कोरोना पुष्टि भएको छ भने अर्का एकजना संक्रमण पुष्टि भएपछि अस्पताल लैजाँदै गर्दा बाटोमा मृत्यु भएको छ ।

कोहलपुर, २ बर्दहवाकी ३५ वर्षीया महिला र कोहलपुर २ कै ७७ वर्षीय कोरोना संक्रमित पुरुषको मृत्यु भएको बाँकेका कोरोना फोकल पर्सन तेज ओलीले जानकारी दिए ।

ओलीका अनुसार दिउँसो ३ बजे नेपालगञ्ज मेडिकल कलेज शिक्षण कोहलपुरमा उपचारकै क्रममा मृत्यु भएकी ३५ वर्षीया महिलाको सोमबार राती अवेर मात्र पीसीआर रिपोर्ट पोजिटिभ आएको थियो ।

स्वास्थ्यमा समस्या आएपछि उनी सोमबार बिहान मात्र अस्पतालमा उपचारका लागि भर्ना भएकी थिइन् ।

यस्तै सोमबार बिहान स्वास्थ्यमा सामान्य समस्या आएपछि जँचाउन आएका कोहलपुर २ का ७७ वर्षीय पुरुषको स्वाव संकलन गरेर घर पठाईएकोमा सांझ पीसीआर पोजिेटिभ आएसँगै पुनः अस्पताल ल्याउने क्रममा अस्पता नपुग्दै मृत्यु भएको थियो । संक्रमित पुरुषको मृत्यु भएको छ ।

कोरोना संक्रतिमको मृत्युको यो संख्या थपिएसँगै बाँकेमा कोरोना संक्रमण मृत्यु हुनेको संख्या बाँकेमा ६३ जना पुगेको छ ।