काठमाडौं । बुधबार कोरोना भाइरसका संक्रमितको संख्या २ हजार नाघेको छ ।
स्वास्थ्य तथा जनसंख्या मन्त्रालयमा आयोजित पत्रकार सम्मेलनमा दिइएको जानकारी अनुसार पछिल्लो २४ घण्टामा देशभर २३५१ जना कोरोना संक्रमित थपिएका हुन् ।
कुल संक्रमितमध्ये काठमाडौं उपत्यकामा मात्रै १०५१ जना संक्रमित थपिएको मन्त्रालयका प्रवक्ता डा जागेश्वर गौतमले जानकारी दिए ।
डा गौतमका अनुसार ८ हजार ८४४ जनामा पीसीआर विधिबाट गरिएको परीक्षमा २ हजार २२० जनालाई संक्रमण पुष्टि भएको हो । यस्तै ८०३ जनाले एन्टिजेन विधिबाट परीक्षण गर्दा १३१ जनामा संक्रमण पुष्टि भएको हो । काठमाडौंमा ७८६, भक्तपुरमा ८४ र ललितपुरमा १८१ जनामा संक्रमण देखिएको छ ।
संक्रमितको संख्या दिनदिनै बढ्दै जाँदा सक्रिय संक्रमितको संख्या पनि निरन्तर बढिरहेको छ । जसका कारण विभिन्न अस्पतालहरुलाई प्रेसर बढ्दै गएको छ । पछिल्लो २४ घण्टासम्म १० हजार ५८२ जना सक्रिय संक्रमित पुगेका छन् ।
गत सोमबारदेखि आजसम्म २३ हजार ९०० जनाले कोरोना परीक्षण गराएका थिए । तीन दिनमै ५ हजार ११४ जनामा संक्रमण पुष्टि भएको छ ।
प्रतिक्रिया