नेपालगन्ज । झण्डै एकसाताबाट थपिन थालेको कोरोनो संक्रमणको रफ्तारले बाँकेमा आज पनि निरन्तरता पाएको छ । बाँकेमा रहेका तीनवटा प्रयोगशाला र जमुनाह नाकामा रहेको एउटा हेल्थ डेस्कमा कुल ४८२ जनाको कोरोना परीक्षण गर्दा ३८८ जनामा कोरोना संक्रमण पुष्टि भएको छ।
नेपालगन्जको भेरी अस्पतालको प्रयोगशालामा पीसीआर ल्यावमा २७६ जनाको नमुनामध्ये २४८ जना, मेडिकल कलेज कोहलपुरको ल्यावमा गरिएका १०७ जनाको नमुनामा ७३ जना, बागेश्वरी डाइग्नोशिस केन्द्रमा परिक्षण गरिएका ७४ जनाको नमुनामा ५९ जना तथा जमुनाह नाकामा रहेको हेल्थ डेस्कमा २५ जनाको एन्टिजिन बिधिबाट परिक्षण गर्दा ८ जनामा कोरोना संक्रमण पुष्टि भएको बाँकेका कोरोना फोकलपर्शन तेज ओलीले जानकारी दिएका छन् ।
फोकलपर्शन ओलीका अनुसार संक्रमितहरु अधिकांस बाँके जिल्ला भित्रका र केही बाहिरी जिल्लाका समेत रहेका छन । बाँकेमा आजै २ जना महिलाको कोरोना संक्रमणबाट मृत्यु समेत भएको थियो ।
हरेकदिन ठूलो संख्यामा कोरोना संक्रमिण थपिँदै गएपछि स्थानीय प्रशासानले आजै बाट ७ दिनका लागि जिल्लाको नेपालगन्ज उपमहानगरपालिका क्षेत्रमा लकडाउनको घोषणा गरेको छ ।
प्रतिक्रिया