बुटवल । लुम्बिनी प्रदेशमा कोरोना संक्रमणको अगुवाई गरिरहेको बाँकेलाई पछ्याउँदै रुपन्देहीले आज कोरोना संक्रमित थप्ने कार्यमा नयाँ ब्रेक गरेको छ । पछिल्लो २४ घण्टामा रुपन्देहीमा २२७ जना नयाँ कोरोना संक्रमित थपिएका छन् ।
स्वास्थ्य कार्यालय बाँकेले दिएको जानकारी अनुसार रुपन्देहीमा ९९ महिला र १२८ पुरुषमा कोरोना संक्रमण पुष्टि भएको छ । रुपन्देहीको बुटवल उपमहानगरमा मात्र ११५ जनामा कोरोना संक्रमण पुष्टि भएको छ भने तिलोत्तमा नगरपालिकामा ४३ जना, सिद्धार्थनगरमा ४० जना कोरोना संक्रमित थपिएका छन् ।
रुपन्देहीमा अहिले सम्ममा कोरोना संक्रमणका कारण १६५ जनाको मृत्यु भएको छ भने रुपन्देहीमा अहिलपनि ८११ जनाले होम आईशोलेसन, स्थानीय तहको आइशोलेसन तथा कोरोना बिशेष अस्पतालमा उपचार गराईरहेका छन् । संक्रमित थपिएसँगै रुपन्देहीको कोरोना बिशेष अस्पताल र भिम अस्पतालका सबै बेडहरु भरिभराउ भएको स्वास्थ्य कार्यालयले जनाएको छ ।
रुपन्देहीमा रहेको २२ वटा आईसीयू सबै भरिएको स्वास्थ्य कार्यालयका कोरोना फोकलपर्शन केदार साहले जानकारी दिए । साहका अनुसार भिम अस्पतालको ९ र कोरोना बिशेष अस्पतालको १३ वटा आईसीयू बेड सबै भरिएका छन् । लुम्बिनी प्रादेशिक अस्पतालमा आएका गम्भिर प्रकृतिका संक्रमितलाई फिभर क्लिनीकमा सेवा दिईएको अस्पतालका प्रवक्ता डा. बिष्णु गौतमले बताए ।
प्रतिक्रिया