काठमाडौं । सोमबार कोरोना भाइरसका ३ हजार ५५६ नयाँ संक्रमित थपिएका छन् । यो संख्या आइतबारको भन्दा ४३४ बढी हो । आइतबार ३ हजार १२२ जनामा संक्रमण पुष्टि भएको थियो ।
स्वास्थ्य तथा जनसंख्या मन्त्रालयले सोमबार साँझ अपडेट गरेको पछिल्लो तथ्यांकअनुसार १३ हजार २९३ परीक्षण गर्दा २ हजार ५५६ जनामा संक्रमण पुष्टि भएको हो ।
१२ हजार ४०० पीसीआर परीक्षणमा ३ हजार ४४२ जनालाई संक्रमण देखिएको र ८९३ एन्टिजने परीक्षणमा ११४ जनालाई संक्रमण पुष्टि भएको मन्त्रालयले जनाएको छ ।
पछिल्लो २४ घण्टामा ३७८ जना संक्रमित निको भएका छन् । निको हुने भन्दा संक्रमित थपिने रफ्तार बढेका कारण सक्रिय संक्रमितको संख्या निरन्तर उकालोलाग्ने क्रममा छ । जसका कारण अस्पतालहरुलाई थेगिनसक्नु प्रेसर बढेको छ ।
पछिल्लो २४ घण्टामा १२ जना संक्रमितको मृत्यु भएको छ । यस्तै हालसम्म ३ हजार १७६ जनाको मृत्यु भएको छ ।
हालसम्म २ लाख २२ हजार ९५१ जना निको भएका छन् । निको हुने दर भने कुल संक्रमितको ९१ दशमल ५ प्रतिशत रहेको छ ।
प्रतिक्रिया