भेरी अस्पतालमा २८८ नमुना परीक्षण गर्दा २३३ मा संक्रमण पुष्टि

नेपालगन्ज । भेरी अस्पताल नेपालगन्जको पीसीआर ल्यावमा २८८ जनाको नमुना परीक्षण गर्दा २३३ जनामा कोरोना संक्रमण पुष्टि भएको छ । मंगलबार संकलन भएको नमुना परीक्षणमा आज आएको रिपोर्टमा १३९ जना पुरुष र ९४ जना महिलामा कोरोना संक्रमण पुष्टि भएको हो ।

आज थपिएका संक्रमितहरुमा बाँकेका २०८ जना, बर्दियाका १३ जना, कैलालीका २ जना, दाङका २ जना तथा ८ जना जिल्ला नखुलेको रहेको डीसीसीएमसी बाँकेका कोरोना फोकल पर्शन तेज ओलीले बताए ।

बाँकेमा सबै भन्दा बढी नेपालगन्ज उपमहानगरका १८२ जनामा कोरोना संक्रमण पुष्टि भएको छ । भेरी अस्पतालमा उपचाररत २ जनाको आजै कोरोना संक्रमितको मृत्यु भएको छ ।