काठमाडौं । नेकपा एमालेले प्रधानमन्त्रीले लिन लागेको विश्वासको मत प्राप्तिलाई सफल बनाउने निर्णय गरेको छ ।
एमाले स्थायी कमिटीको आज बसेको स्थायी कमिटीको आकस्मिक बैठकले विश्वासको मत हासिल गर्नेगरी अघि बढ्ने निर्णय गरेको छ ।
बैठकपछि संचारकर्मीहरुसँग कुरा गदै प्रवक्ता प्रदीप ज्ञवालीले विश्वासको मत हासिल गर्न अन्य दलहरुसँगको छलफललाई थप तिब्र बनाउने निर्णय गरेको बताए ।
यस्तै, एमालेले गृहमन्त्री रामबहादुर थापालाई राष्ट्रिय सभाको उम्मेदवार बनाउनुअघि आफ्नो पार्टीको मतभारको विश्लेषण गर्ने भएको छ ।
जेठ ६ गते हुन लागेको उपनिर्वाचनमा यसअघि थापालाई नै उठाउने निर्णय एमालेले गरेको थियो । तर, एमालेकै माधव पक्षसहितले विपक्षी गठबन्धनबाट डा. खिमलाल देवकोटालाई उठाउने निर्णय गरेपछि आफ्नो तर्फबाट मत काटिने आंकलन सहित थापालाई उठाउने या नउठाउने विषया थप अध्ययन गर्ने भएको हो ।
प्रतिक्रिया