रुपन्देहीले आज पनि उछिन्यो प्रदेशका सबै जिल्लालाई, थपिए ७८२ नयाँ संक्रमित, ११ जनाको मृत्यु

खबर कुरा
२४ बैशाख २०७८, शुक्रबार
                 

बुटवल । रुपन्देहीमा आज पनि प्रदेशका सबै जिल्लाहरुलाई उछिन्दै सबै भन्दा बढी कोरोना संक्रमित थपिएका छन् । पछिल्लो २४ घण्टामा १२२१ नमुना परीक्षण गर्दा ७८२ जनामा कोरोना संक्रमण पुष्टि भएको छ । सोहि अवधीमा ११ जनाको मृत्यु भएको छ ।

स्वास्थ्य कार्यालय रुपन्देहीका अनुसार आज पनि बुटवल उपमहानगरमा सबैभन्दा बढी ३७१ जनामा संक्रमिण पुष्टि भएको छ । त्यसैगरि तिलोत्तमामा १३४ जना, सिद्धार्थनगरमा ८३ जना, सैनामैनामा ५८ जना र देवदहमा ५० जना नयाँ संक्रमित थपिएका छन् । त्यस्तै सुद्धोधनमा १८ जना, मायादेबीमा १५ जना, सियारीमा १४ जना, कञ्चनमा ११ जना, लुम्बिनी साँस्कृतिक नगरमा ८ जना, ओमसतियामा ५ जना, कोटहिमाईमा ६ जना, रोहिणीमा ४ जना र मर्चवारी र सम्मरीमाईमा १।१ जनामा कोरोना संक्रमण पुष्टि भएको छ ।

रुपन्देहीमा २४ घण्टाकैबीचमा २६० जनालाई कोरोना संक्रमण निको भएको छ । जिल्लामा ६००० जना सक्रिय संक्रमित मध्य २६९ जनामा लक्षण देखिएको छ । रुपन्देहीमा २४३ जनाले कोरोना संक्रमणबाट ज्यान गुमाएका छन् ।

यसमा तपाइको मत

Your email address will not be published. Required fields are marked *


*