रुपन्देहीमा थपिए ६९८ नयाँ संक्रमित, ४१६ जना डिस्चार्ज, ९ जनाको मृत्यु

बुटवल । रुपन्देहीमा पछिल्लो २४ घण्टामा ६९८ जना नयाँ संक्रमित थपिएका छन् । रुपन्देहीका ३ वटा प्रयोगशालामा गरीएको पीसीआर परीक्षणमा १२४१ नमुना परीक्षण गर्दा ६९८ मा कोरोना संक्रमण पुष्टि भएको हो ।

स्वास्थ्य कार्यालय रुपन्देहीका अनुसार आज बुटवल उपमहानगरमा ३०० जनामा संक्रमण पुष्टि भएको छ भने तिलोत्तमामा १५१ जना, सिद्धार्थनगरमा ७८ जना, सैनामैनामा ७२ जना र देवदहमा २८ जनामा कोरोना संक्रमण पुष्टि भएको छ । त्यसैगरि कञ्चनमा २० जना, सुद्धोधनमा १४ जना, सियारीमा १२ जना, ओमसतियामा ७ जना, लुम्बिनी साँस्कृतिक नगरमा ६ जना, गैडहवामा ४ जना, रोहिणीमा ३ जना, मायादेबीमा २ र कोटहिमाईमा १ जनामा कोरोना संक्रमण पुष्टि भएको स्वास्थ्य कार्यालयले जनाएको छ ।

यस अवधीमा रुपन्देहीमा ९ जनाको मृत्यु भएको छ भने ४१६ जना कोरोना मुक्त भएका छन् । जिल्लामा मृत्यु हुनेको संख्या २६२ पुगेको छ ।