रुपन्देहीमा जेठ १३ गते सम्मका लागि थपियो निषेधाज्ञा

खबर कुरा
२९ बैशाख २०७८, बुधबार
                 

बुटवल । रुपन्देहीमा जारी निषेधाज्ञालाई जेठ १३ गतेसम्म थप गरिएको छ । जिल्लास्तरिय कोभिड संकट व्यवस्थापन केन्द्र डीसीसीएमसीको बुधबार बसेको बैठकले निषेधाज्ञा थप्न गरेको सिफारिसका आधारमा रुपन्देहीका प्रमुख जिल्ला अधिकारी अस्मान तामङले निषेधाज्ञा थप गरिएको आदेश जारी गरेका हुन् । थप गरिएको निषेधाज्ञा जेठ १३ गते विहान ६ बजेसम्म लागू हुने गरी निरन्तरता दिइएको छ ।

कोभिड १९ को नयाँ भेरियन्टको संक्रमण तिब्र बन्दै गएकाले यसको नियन्त्रण, रोकथाम र उपचार व्यवस्थापनको लागि निषेधाज्ञाको आदेशलाई निरन्तरता दिएको प्रमुख जिल्ला अधिकारीद्वारा जारी आदेशमा उल्लेख छ ।

कोरोना संक्रमणको दोस्रो लहर फैलिएपछि बैशाख १६ गतेदेखी ३० गते बिहान ६ बजे सम्म लागु हुने गरि रुपन्देहीमा निषेधाज्ञा लगाइएको थियो । लकडाउनको समयमा अत्यावश्यक काम बाहेक हिडडुलमा रोक लगाइएको छ।

यसमा तपाइको मत

Your email address will not be published. Required fields are marked *


*