बाँकेमा रातभरीमा थप ५ जना कोरोना संक्रमितकोे मृत्यु

खबर कुरा
१ जेष्ठ २०७८, शनिबार
                 

नेपालगन्ज । बाँकेमा उपचाररत ५ जना कोरोना संक्रमितको राती ९ घण्टाको अवधीमा मृत्यु भएको छ । मृत्यु हुनेमा बर्दियाका २ जना, बाँकेमा २ जना र सल्यानका १ जना छन् ।

बैशाख २१ गते नेपालगन्ज मेडिकल कलेज कोहलपुर भर्ना भएका ६१ वर्षिय पुरुषको शुक्रबार राती ७ः३० बजे मृत्यु भएको थियो भने बैशाख ३० गते भेरी अस्पताल नेपालगन्ज भर्ना भएकी ३९ वर्षिया महिलाको ८ः३० बजे मृत्यु भएको थियो । त्यसैगरि बैशाख १२ गतेबाट भेरी अस्पतालमा उपचाररत बनगाड, सल्यानकी ६० वर्षिया महिलाको शुक्रबार राती ११ बजे, बैशाख २४ गते भेरी अस्पताल भर्ना भएकी ठाकुरबाबा, बर्दियाकी ३४ वर्षिया महिलाको शनिबार बिहान २ः५८ बजे र बैशाख २७ गते मेडिकल कलेज कोहलपुर भर्ना भएका ६० वर्षिय पुरुषको बिहान ४ः४५ बजे मृत्यु भएको छ ।

बाँकेमा अहिलेसम्ममा जिल्ला भित्रका २२९ जना र जिल्ला बाहिरका १७५ जना कोरोना संक्रमितको उपचारका क्रममा मृत्यु भएको डीसीसीएमसीका बाँकेका कोरोना फोकल पर्शन तेज ओलीले जानकारी दिए ।

यसमा तपाइको मत

Your email address will not be published. Required fields are marked *


*