बुटवल । रुपन्देहीमा १००९ नमुनाको पीसीआर परीक्षण गर्दा ३०९ जनामा कोरोना संक्रमण पुष्टि भएको छ । २४ घण्टाको अवधीमा जिल्लामा २४६२ एन्टिजेन परीक्षण गर्दा १०४५ जनामा पोजेटिभ रिपोर्ट आएको छ । पीसीआर परीक्षणको रिपोर्टमा संक्रमितको अनुपात केही कम देखिएपनि एन्टिजेनमा संक्रमितको संख्या बढी देखिएको छ । तुलनात्मकरुपमा पीसीआर परीक्षणमा ३० प्रतिशतमा संक्रमण भएको देखिएको छ भने एन्टिजेनमा ४२ प्रतिशतमा संक्रमण भएको देखिएको छ ।
जिल्लामा सोही अवधीमा १० जनाको मृत्यु भएको छ भने आज ७०९ जना कोरोना मुक्त भएर डिस्चार्ज भएका छन् । पालिकास्तरमा पनि कोरोना संक्रमणको दर केहि घटेको पाईएको छ । बुटवल बाहेक अन्य सबै पालिकाको संक्रमण दर २ अङ्कमा झरेको छ । बुटवलमा आज १०६ जना मात्र कोरोना संक्रमति थपिएका छन् ।
लगातार घ(द्ध दिनको रिपोर्टमा जिल्लामा संक्रमणको दर केहि घटेको आँकलन गर्न सकिने स्वास्थ्य कार्यालय रुपन्देहीका प्रमुख डा. राजेन्द्र गिरीले बताए । उनले स्थानीय स्तरमा सम्पर्क ब्यक्तिको खोजी कार्यलाई प्रभावकारी बनाउन नसक्दा समुदायमा अहिले पनि संक्रमणको संख्या रहेको अनुमान गर्न सकिने बताए । ल्यावहरुमा लक्षण देखिएका र सिकिस्त भएकाहरुको संख्या बढी आउने गरेको र संक्रमितको सम्पर्कमा आएका लक्षण नदेखिएकाहरु पीसीआर परीक्षण गर्न आउने नगरेको उनले बताए ।
प्रतिक्रिया