बुटवल । रुपन्देहीमा लगातार कोरोनाको ग्राफ घट्ने क्रमले निरन्तरता पाएको छ । आज पनि रुपन्देहीका ४ वटा पीसीआर प्रयोगहालामा ११८५ नमुना परीक्षण गर्दा जम्मा २९४ जनामा मात्र कोरोना संक्रमण पुष्टि भएको छ । जिल्लामा सोही अवधीमा ४ जना उपचाररत संक्रमितको मात्र मृत्यु भएको छ ।
रुपन्देहीमा गरिएको एन्जिेन परीक्षणमा भने २५६२ जनाको एन्टिजेन परीक्षण गर्दा १०४५ जनामा कोरोना पोजेटिभ रिपोर्ट आएको स्वास्थ्य कार्यालय रुपन्देहीले जनाएको छ । जिल्लामा आज सम्ममा ३८१ जना कोरोना संक्रमितको उपचारका क्रममा मृत्यु भएको छ भने अहिलेपनि रुपन्देहीमा ५६९१ जना सक्रिय संक्रमित रहेका छन् । पछिल्लो २४ घण्टामा जिल्लाबाट ४८६ जना कोरोना मुक्त भएर डिस्चार्ज भएका छन् ।
प्रतिक्रिया