आजको मौसम : पहाडका एक दुई स्थानमा मेघगर्जन, चट्याङसहित सामान्य वर्षाको सम्भावना

खबर कुरा
९ जेष्ठ २०७८, आईतवार
                 

काठमाडौं । अहिले देशमा पश्चिमी न्यूनचापीय प्रणालीको आंशिक प्रभाव रहेको जल तथा मौसम विज्ञान विभागको मौसम पूर्वानुमान महाशाखाले जनाएको छ ।

हाल देशका पहाडी भू-भागमा आंशिक बदली रहेको र बाँकी भू-भागमा सामान्यतया मौसम सफा रहेको महाशाखाको भनाइ छ । दिउँसो प्रदेश १, बागमती तथा गण्डकी प्रदेशका पहाडी भू-भागमा आंशिकदेखि सामान्य बदली र बाँकी भू-भागमा आंशिक बदली रहने महाशाखाको दाबी छ ।

अपराह्नतिर प्रदेश १ का पहाडी भू-भागका केही स्थान र बाँकी प्रदेशका पहाडी भू-भागका एक दुई स्थानमा मेघगर्जन, चट्याङसहित सामान्य वर्षाको सम्भावनासमेत रहेको महाशाखाले जनाएको छ ।

राति प्रदेश १, बागमती तथा गण्डकी प्रदेशका पहाडी भू-भागमा आंशिकदेखि सामान्य बदली र बाँकी भू-भागमा आंशिक बदली रहने महाशाखाले जानकारी दिएको छ । राति देशका केही पहाडी भू-भागमा वर्षाको सम्भावनासमेत रहेको छ ।

यसमा तपाइको मत

Your email address will not be published.


*