काठमाडौं । सरकाले कोभिड–१९ संकट व्यवस्थापन केन्द्र ९सीसीएमसी०को प्रमुखमा नेपाली सेनाका पूर्वरथी बालानन्द शर्मा नियुक्त गरेको छ ।
सोमबार साँझ बसेको मन्त्रिपरिषद बैठकले सीसीएमसीको प्रमुखमा पूर्वरथी शर्मालाई नियुक्त गरेको हो । माओवादी लडाकु समायोजनका लागि बनेको सेना समायोजन विशेष समितिको संयोजकको भूमिका निभाएका शर्मालाई कोरोना महामारी नियन्त्रणका लागि सरकारले जिम्मा दिएको छ ।
सीसीएमसीको नेतृत्व यसअघि उपप्रधानमन्त्री ईश्वर पोखरेलको गर्दै आएका थिए । जेठ ७ गते कोरोना नियन्त्रणसम्बन्धी अध्यादेश ल्याएसँगै अस्तित्वमा आएको कोभिड १९ निर्देशक समितिमातहतमा सीसीएमसी ल्याइएको थियो । निर्देशक समितिको नेतृत्व प्रधानमन्त्री केपी शर्मा ओलीले नै गरेका छन् ।
निर्देशक समितिको सदस्य सचिव सीसीएमसी प्रमुख रहेने व्यवस्था छ । निर्देशक समितिमा उपप्रधानमन्त्री तथा रक्षामन्त्री, गृह, परराष्ट्र, स्वास्थ्य तथा जनसंख्या, अर्थ, सामान्य प्रशासन तथा संघीय मामिला, उद्योग वाणिज्य तथा आपूर्ति, कृषि, ऊर्जा र पर्यटन मन्त्री सदस्य छन् ।
पूर्वरथी शर्माले अब कोरोना संक्रमण नियन्त्रणको योजना बनाउने सरकारलाई सुझाव दिने र सरकारले अनुमोदन गरेका योजनालाई कायान्यवन गर्ने जिम्मेवारी पाएका छन् ।
प्रतिक्रिया