काठमाडौं । प्रधानमन्त्री केपी शर्मा ओलीले अदालतको अवहेलना गरेको भन्दै कानून व्यवसायी मुद्दा दायर गर्न सर्वोच्च अदालत पुगेकाछन् ।
सर्वोच्च अदालतले फागुन ११ गते गरेको फैसलाको विपरित प्रधानमन्त्री ओलीले संसद विघटन गरेको भन्दै वरिष्ठ अधिवक्ता दिनेश त्रिपाठीले अवहेलनाको मुद्दा लिएर गएका हुन् । सर्वोच्च प्रशासनले मुद्दा दर्ता भने गरेको छैन ।
त्रिपाठीले प्रधानमन्त्री ओलीले सर्वोच्चको फैसला विपरित बद्नियतपूर्ण ढंगले प्रतिनिधिसभालाई असफल बनाउन खोजेको, विश्वासको मत हासिल गर्न असफल भएपछि प्रतिशोधपूर्ण ढंगले प्रतिनिधिसभा विघटन गरेको जिकिर गरेका छन् ।
त्रिपाठीले प्रधानमन्त्री ओलीलाई २४ घण्टाभित्र अदालतमा उपस्थित गराई न्याय प्रशासन ऐन, २०७३ को दफा १७(४) बमोजिम हदैसम्म सजाय माग गरेका छन् ।
प्रधानमन्त्री ओलीमाथि यसअघि पनि अदालत र कानूनव्यवसायीहरुको अवहेलना गरेको मुद्दा लागेको थियो ।
प्रतिक्रिया