पाँचथरमा एम्बुलेन्स दुर्घटना : एक जनाको मृत्यु, दुई जना घाइते

खबर कुरा
१७ जेष्ठ २०७८, सोमबार

फिदिम । पाँचथरमा गए राति एम्बुलेन्स दुर्घटना हुँदा एक जनाको मृत्यु भएको छ भने दुई जना घाइते भएका छन् ।

झापाको बिर्तामोडबाट ताप्लेजुङ जाँदै गरेको प्रदेश नं १-०१-००१ च ७७०६ नम्बरको एम्बुलेन्स गए राति २ः४० बजे फिदिम नगरपालिका-३ सुम्निमाचोकमा दुर्घटना भएको हो । सो एम्बुलेन्स सडकबाट करिब १५ मिटर तल झरेर दुर्घटना भएको हो ।

दुर्घटनामा घाइते भएकी पाँचथरको याङवरक गाउँपालिका-२ फलैँचाकी ५० वर्षीय ममता राईको मृत्यु भएको छ । उपचारका लागि जिल्ला अस्पताल फिदिम ल्याइएकामा बिहान ३ः४० मा उनलाई चिकित्सकले मृत घोषित गरेका थिए ।

प्रहरीका अनुसार दुर्घटनामा सोही स्थानका हेमन सुब्बा र ताप्लेजुङको सिदिङवा गाउँपालिका-३ का डोडकुमार राई घाइते भएका छन् । जिल्ला प्रहरी कार्यालय पाँचथरका प्रहरी नायब उपरीक्षक दानबहादुर थापाका अनुसार, उनको टाउको, हात तथा छातीमा चोट लागेको छ ।

दुर्घटनापछि प्रहरीले एम्बुलेन्सका चालक पाँचथर हिलिहाङ गाउँपालिका-२ सिंहपुरका वीरेन्द्र धिताललाई नियन्त्रणमा लिई अनुसन्धान गरिरहेको जनाएको छ । एम्बुलेन्समा चालकसहित चार जना सवार थिए ।

यसमा तपाइको मत

Your email address will not be published. Required fields are marked *


*