आजको मौसम : केही स्थानमा अपराह्नतिर मध्यम वर्षाको सम्भावना

खबर कुरा
१८ जेष्ठ २०७८, मंगलवार

काठमाडौं । पश्चिमी वायुसँगै स्थानीय वायुको प्रभावका कारण देशका अधिकांश स्थानमा आशिंक बदली रहेको जल तथा मौसम विज्ञान विभागले जनाएको छ ।

विभागका अनुसार अहिले बिहान प्रदेश १ मा सामान्य बदली र देशका अधिकांश स्थानमा आंशिकदेखि सामान्य बदली रहेको छ । दिउँसो देशका अधिकांश भू-भागमा सामान्य बदली रहनेछ तथा केही स्थानमा मेघगर्जनसहित हल्का वर्षाको सम्भावना रहेको विभागको भनाइ छ ।

अपराह्नतिर प्रदेश १, बागमती, गण्डकी प्रदेश र सुदूरपश्चिम प्रदेशका एक, दुई स्थानमा मध्यम वर्षाको सम्भावना रहेको विभागको भनाइ छ । आज राति प्रदेश १ लगायत अन्य प्रदेशका पहाडी भू-भागमा आंशिक देखी सामान्य बदली रहने विभागले जनाएको छ ।

बाँकी भू-भागमा आंशिक बदली रहनेछ । प्रदेश प्रदेश १ का केही स्थानहरु र बाँकी प्रदेशमा एक, दुई स्थानमा मेघगर्जन, चट्याङसहित हल्का वर्षाको सम्भावना रहेको पूर्वानुमान महाशाखाले जानकारी दिएको छ ।

यसमा तपाइको मत

Your email address will not be published. Required fields are marked *


*