काठमाडौं । चीनका राष्ट्रपति सी जिनपिङले १० लाख डोज खोप अनुदानमा नेपाललाई दिने घोषणा गरे अनुसार ८ लाख डोज खोप मंगलबार काठमाडौं आइपुगेको छ । मंगलबार नेपाल एयरलाइन्सको विमान ८ लाख डोज खोप बोकेर त्रिभुवन विमानस्थलमा अवतरण गरेको छ ।
राष्ट्रपति विद्यादेवी भण्डारीको अनुरोधमा अघिल्लो साता चीनका राष्ट्रपति सी चिङफिङले १० लाख डोज खोप अनुदानमा दिने घोषणा गरेका थिए ।
बाँकी दुई लाख खोप तिब्बतले दिने बताईएको छ । तिब्बतबाट आउने खोप मध्ये ५० हजार ४०० डोज खोप मंगलबार विहानै स्वास्थ्य तथा जनसंख्या मन्त्रालयका अधिकारीहरुलाई हस्तान्तरण भइसकेको छ भने अर्को ५४ हजार २०० डोज साँझ काठमाडौं आइपुग्ने छ । त्यसबाहेक बाँकी ९९ हजार २०० डोज खोप भोलि विहान काठमाडौं आइपुग्ने परराष्ट्र मन्त्रालयले जनाएको छ ।
यसअघि चीनले अनुदानमा दिएको ८ लाख डोज खोप नेपालमा ल्याई प्रयोगसमेत भइसकेको छ ।
प्रतिक्रिया