काठमाडौं । काठमाडौं उपत्यकामा जेठ ३१ गतेसम्म निषेधाज्ञको अवधि थपिएको छ ।
उपत्यकाका तीन जिल्लाका प्रमुख जिल्ला अधिकारीहरुको बैठकले हाल जारी निषेधाज्ञामा सामान्य छुट दिँदै निषेधाज्ञा अवधि जेठ ३१ गतेसम्म लम्ब्याउने निर्णय गरेका हुन् ।
गत वैशाख १६ गतेबाट उपत्यकाबासी निरन्तर निषेधाज्ञामा छन् । थप गरिएको निषेधाज्ञामा अहिले बन्द रहेका खाद्यान्न किराना पसल र डिपार्टमेन्टल स्टोरका ग्रोसरी युनिट सीमित समय खोल्न अनुमति दिइएको छ । यस्ता पसलहरु बिहान ९ बजेसम्म मात्र खुल्नेछन् ।
प्रशासनले यसपटक सवारी साधान मर्मत गर्ने वर्कसप खोल्न समेत अनुमति दिएको छ । यस्ता वर्कसपहरु राति ९ बजेदेखि बिहान ९ बजेसम्म खोल्न पाइनेछ ।
प्रतिक्रिया