काठमाडौं । प्रतिनिधिसभा विघटन विरुद्ध परेको रिटमाथि सुनुवाइ गर्न वरिष्ठतम न्यायाधीसहरु सम्मिलित संवैधानिक इजलास गठन भएको छ ।
प्रधानन्यायाधीस चोलेन्द्र शमशेर जबराले आफ्नो नेतृत्वमा वरिष्ठतम न्यायाधीसहरुमध्येबाट इजलास गठन गरेका छन् ।
इजलासमा न्यायाधीसहरु दीपककुमार कार्की, मीरा खड्का, ईश्वर खतिवडा र आनन्दमोहन भट्टराई र रहेका छन् ।
यसअघि पुष ५ को प्रतिनिनिधिसभा विघटन विरुद्ध परेको मुद्दामाथि सुनुवाइ गठन गठित इजलासमा प्रश्न उठेपछि बाहिरिएका चौंथो वरियताका न्यायाधीस हरिकृष्ण कार्की यसपटक पनि समावेश भएका छैनन भने त्यसपछिको वरियतामा रहेका अर्का न्यायाधीस विश्वम्भर श्रेष्ठ कोरोना संक्रमणका कारण होम आइसोलेसनमै रहेका छन् । त्यसैले त्यसपछिका दुई न्यायाधीस भट्टराई र खतिवडा परेका छन् ।
प्रधानन्यायाधीस राणाले यसअघि गठन गरेको संवैधानिक इजलासमा रहेका दुई जना न्यायाधीसहरु तेजबहादुर केसी र बमकुमार श्रेष्ठको विषयमा रिट निवेदकहरुका तर्फबाट प्रश्न उठेपछि विवादित बनेको थियो । गत मंगलबार प्रधानन्यााधीस राणाले सर्वोच्च अदालत बार एशोसिएसनका पदाधिकारीहरुसँग वरिष्ठताका आधारमा संवैधानिक इजलास गठन गर्ने प्रतिवद्धता जनाएका थिए ।
प्रतिक्रिया