मुख्यमन्त्री पोखरेलले पोखे सर्वोच्च अदालतप्रति असन्तुष्टी

सर्वोच्चको परमादेश र संविधान बमोजिम नागरिकता अध्यादेश आएको दाबी
खबर कुरा
२८ जेष्ठ २०७८, शुक्रबार

बुटवल । लुम्बिनी प्रदेशका मुख्यमन्त्री एवं एमाले स्थायी कमिटी सदस्य शंकर पोखरेलले नागरिकता अध्यादेश खारेज गरिदिएको सर्वोच्च अदालत प्रति असन्तुष्टी प्रकट गरेका छन् ।

सामाजिक सञ्जालमा लेख्दै मुख्यमन्त्री पोखरेलले संविधानको हुवहु भएको नागरिकता सम्बन्धी अध्यादेश सर्वोच्च अदालतले उल्टाइदिएको गुनासो गरेका छन् ।

नागरिकता अध्यादेश सर्वोच्चकै परमादेश र संविधानको हुबहु व्यवस्था बमोजिम आएको संकेत गर्दै पोखरेलले सर्वोच्चले उल्टाईदिएको बताएका छन् ।

‘नागरिकता संबन्धी अध्यादेश संविधानको हुवहु थियो । त्यस सम्वन्धमा सर्वोच्चका परमादेश थिए,’ पोखरेलले लेखेका छन्, ‘तर सर्वोच्चलेनै उल्टाइदियो । धन्य छौँ हामी ।’

बिहीबार प्रधानन्यायाधीश चोलेन्द्रशमशेर राणा, न्यायाधीशहरू दीपककुमार कार्की, मीरा खड्का, हरिकृष्ण कार्की र ईश्वरप्रसाद खतिवडाको संवैधानिक इजलासले नागरिकता अध्यादेश कार्यान्वन नगर्न अन्तरिम आदेश दिएको हो ।

यसमा तपाइको मत

Your email address will not be published. Required fields are marked *


*