२४२२ नयाँ संक्रमित थपिँदा ३४५६ जना संक्रमणमुक्त, ५१ को मृत्यु

काठमाडौं । आइतबार नेपालमा कोरोना भाइरसका २ हजार ४२२ जना नयाँ संक्रमित थपिएका छन् ।

स्वास्थ्य मन्त्रालयले आयोजना गरेको कोरोना अपडेटसम्बन्धी पत्रकार सम्मेलनमा दिएको जानकारी अनुसार १० हजार ९५६ परीक्षणमा २ हजार ४२२,जनामा संक्रमण पुष्टि भएको हो ।

६ हजार ६७७ पीसीआर परीक्षणमा १४२१ जनामा संक्रमण पुष्टि भएको हो । यस्तै ४हजार २४९ एन्टिजेन परीक्षणमा १ हजार २१ जनामा संक्रमण पुष्टि भएको छ ।

मन्त्रालयका अनुसार २१ दशमलव ३ प्रतिशतमा संक्रमण देखिएको छ । काठमाडौं उपत्यकामा ५४८ जनामा संक्रमण पुष्टि भएको छ ।

पछिल्लो २४ घण्टामा ३ हजार ४५६ जना संक्रमणमुक्त भएका छन् । यस्तै  यसै अवधीमा ५१ जनाको मृत्यु भएको छ ।