नेपालगन्ज । बाँकेमा पछिल्लो २४ घण्टामा एकजना मात्र कोरोना संक्रमित थपिएका छन् । जिल्लाका ३ वटा ल्यावमा भएको ९१ नमुनाको पीसीआर परीक्षण गर्दा बाँकेका १ जना सहित १० जनामा संक्रमण पुष्टि भएको हो ।
सोही अवधिमा बाँकेका मसत्यको संख्या शुन्य रहेको छ भने बाँकेका आज १० जना कोरोना मुक्त भएर डिस्चार्ज भएका छन् । जिल्लामा अव ८६ जना मात्र सक्रिय संक्रमित निको हुन बाँकी रहेको र जिल्ला बाहिरका ७६ जना सक्रिय संक्रमितको बाँकेमा उपचार चलिरहेको छ ।
बाँकेका अस्पतालहरुमा कोरोना उपचारका लागि छुट्याईएको ३६१ बेड मध्य २८३ बेड खाली भएका छन् । स्वास्थ्य कार्यालय बाँकेका अधिकृत नरेश श्रेष्ठका अनुसार भेरी अस्पतालको २०० बेड संख्या मध्य २०० मध्य १३२ वटा बेड खाली भएका छन् । भेरीमा ५३ जना कोरोना संक्रमितको उपचार भईरहेकोमा १७ जना सिकिस्त अवस्थामा छन् । त्यसैगरि नेपालगन्ज मेडिकल कलेजमा १३० बेड मध्य १२२ बेड खाली भएका छन् । मेडिकल कलेजमा ८ जना संक्रमितको उपचार भईरहेकोमा ८ जना नै सिकिस्त छन् । त्यस्तै, वेष्टर्न अस्पतालमा १४ र युनाईटेड अस्पतालमा १५ गरि २८३ बेड खाली भएका छन् ।
प्रतिक्रिया