काठमाडौं । नेकपा (एमाले) को विवाद समाधानका लागि गठित कार्यदलले सहमतिका मस्यौदलाई आजै टुंग्याउने प्रयास गरेको छ ।
सिंहदरबारमा ५ घण्टादेखि बसिरहेको बैठकमा आजै सहमति खोज्ने प्रयास भैरहेको कार्यदल सदस्यहरुले बताएका छन् ।
कार्यदलमा अध्यक्ष केपी शर्मा ओलीको पक्षबाट सदस्य बनेका स्थायी कमिटी सदस्य एवं लुम्बिनी प्रदेशका मुख्यमन्त्री शंकर पोखरेलले आजै टुंग्याउने गरी छलफल भैरहेको बताएका छन् ।
यस्तै, माधवकुमार नेपाल पक्षबाट सदस्य बनेका नेता रघुजी पन्तले पनि विवाद समाधान आजै टुंग्याउने गरी सकारात्मक छलफल भइरहेको बताएका छन् ।
कार्यदल सदस्यहरुले सहमतिको मस्यौदामा छलफल गरिरहेका छन् । लगातार १० दिनदेखि बसिरहेको कार्यदल बैठकमामा सहमति भए अध्यक्ष ओली र वरिष्ठ नेता नेपालसँगै कार्यदलको संयुक्त बैठक बस्ने र त्यहिँबाट दुई शीर्ष नेताको सहमतिमा हस्ताक्षर हुने बताइएको छ ।
प्रतिक्रिया