काठमाडौं । कोरोना महामारीको कारण देखाउँदै आफ्नै सरकारले जारी गरेको निषेधाज्ञालाई पटक पटक धज्जी उडाएका प्रधानमन्त्री केपी ओली सरकारी निवासबाट निजी निवास सर्दा पनि निषेधाज्ञाको हुर्मत काड्दै निस्कने भएका छन् । सर्वोचच अदालतको आदेश आए लगत्तै बालुवाटार छाड्ने बताएका ओलीले सरकारी निवास छाड्ने साईतलाई एक दिन पछि ढकेलेका थिए । समर्थक बोलाएर तामझामका साथ निजी निवास सर्न निवास छाड्ने मिति एक दिन पछि सारिएको ओली निकट स्रोतले बताए ।
सरकारी निवास छाडेर भक्तपुरको बलकोट जानकालागि आफुलाई लिन कार्यकर्ताहरुलाई ओलीले बालुवाटार डाकेका छन् । आफ्नो विश्वासपात्र महेश बस्नेतलाई खटाएर उनले समर्थकहरुबाट बाटोमा अभिनन्दन् लिँदै नारा जुलुसका साथ निजी निवास पुग्ने कार्यक्रम बनाएको स्रोतले दाबी गरेको छ । ओलीले आफ्नै सरकारले संक्रामक ऐन २०२० ले नपुगेर महामारी नियन्त्रण सम्बन्धि अध्यादेश नै जारी गर्दै देशभर निषेधात्रा जारी गरेपनि ओली आफैले निषेधाज्ञाको कहिल्यै पालना गरेनन् । उदघाटन, अवलोकन र जयजयकार गराउने नाममा पटक पटक ओली आफैले निषेधाज्ञा ताड्ने काम गर्दै आएका थिए । कार्यकालभरी कानुन भन्दा माथि रहेको अनुभुत गरेका ओलीले प्रधानमन्त्री निवास छाडेर जाँदा पनि निषधाज्ञाको धज्जी उडाउँदै निस्कने योजना बनाएका छन् ।
ओलीकै निर्देशनमा एमाले नेता महेश बस्नेतले ओलीलाई बालुवाटारदेखि निजी निवाससम्म नेता कार्यकर्ताले स्टिमिङ्ग र स्वागत गर्दै बालकोट लग्ने योजना बनाएका छन् । यसका लागि बस्नेतले सार्वजानिकरुपमा नै कार्यकर्ताहरुलाई बालुवाटारमा भेला हुन आह्वान गरेका छन् ।
‘बालुवाटार प्रधानमन्त्री कार्यालयदेखि नेकपा एमालेका श्रद्धेय अध्यक्ष क.केपी शर्मा ओलीलाई हजारौँ बाइक, गाडीले स्कटिङ्ग र स्वागत गर्दै भक्तपुरको कौशलटारदेखि बालकोट निवाससम्म नागरिक अभिनन्दन सहित प्रस्थान गराउने कार्यक्रममा सहभागिताको लागि सबैलाई हार्दिक आमन्त्रण गर्दछौं’, बस्नेतले मंगलबार नै सामाजिक सञ्जालमार्फत आह्वान गरेका थिए ।
त्यसो त ओली समर्थकहरुले सवोच्चको फैसला आएकै दिन निषेधाज्ञाको खिल्ली उडाउँदै देशभर प्रदर्शन र प्रधान न्यायाधिसको पुत्ला समेत जलाईसकेका छन् ।
सर्वोच्च अदालतले शेरबहादुर देउवालाई प्रधानमन्त्री बनाउने गरी परमादेश जारी गरेसँगै ओली संसदमा प्रमुख विपक्षीदलका नेता बनेका छन् ।
प्रतिक्रिया